Tez orada Pol Pogba operasiyasi haqida qaror qabul qilinadi.
"Yuventus" yarim himoyachisi yangi jamoasi bilan mashg‘ulotlar paytida o‘ng tizzasidan jarohat olgandi. Shundan keyin fransuzda menisk jarohati borligi aniqlandi.
Operasiya qilingan taqdirda futbolchi 3 oydan 5 oygacha maydonga tusha olmaydi va jahon chempionatini o‘tkazib yuborishi mumkin.
Futbolchi ushbu turnirda ishtirok etish niyatida, shuning uchun u operasiya qilishni istamayapti.
Pogba shifokor Bertran Sonneri-Kotte bilan maslahatlashish uchun Lionga bordi. Shundan so‘ng futbolchi yakuniy qarorni qabul qiladi.
