"Napoli" yarim himoyachisi Petr Ziyelinski "Vest Xem"ga o‘tishdan bosh tortdi, deb xabar beradi Sky Sports Italia.
Manbaga ko‘ra, 28 yoshli polshalik APL turnir jadvalining o‘rtasida joylashgan klubda o‘ynashni istamayapti. "Napoli" inglizlarning 40 million yevroga yaqin taklifini qabul qilishga tayyor edi.
Ziyelinski 2016 yilning avgustidan beri "Napoli"da to‘p tepadi. Futbolchi o‘tgan mavsumda jamoasi safida 42 ta o‘yinda maydonga tushib, 8 ta gol urdi va 5 ta golli uzatmani amalga oshirdi.
Polyakning italyan klubi bilan shartnomasi 2024 yilning iyun oyi oxirigacha amal qiladi.
