Janubiy Amerikaning to‘rtta davlati 2030 yilgi jahon chempionatini o‘tkazish uchun qo‘shma ariza topshirdi. AFP xabariga ko‘ra, musobaqa Urugvay, Argentina, Chili va Paragvaydagi stadionlarda o‘tkazilishi mumkin.
Turnirni shuningdek, Marokash (Afrika); Ispaniya va Portugaliya (qo‘shma ariza); Bolgariya, Ruminiya, Gresiya va Serbiya (qo‘shma ariza) kabi davlatlar ham o‘zida qabul qilmoqchi.
Yakuniy qaror 2024 yilda FIFAning 74-kongressida aniqlanadi.
1930 yilda Urugvay tarixida birinchi jahon chempionatiga mezbonlik qilgan, 1978 yilda turnir Argentinada, 1962 yilda esa Chilida jahon chempionati bo‘lib o‘tgan. Paragvayda esa hali turnir o‘yinlari o‘tkazilmagan.
