O‘zingizga ma’lum, Germaniyaning “Ayntraxt” jamoasi asionerlaridan biri o‘zbekistonlik tadbirkor Kozim Aripov hisoblanadi.

Kozim Aripov Superliga doirasida bo‘lib o‘tgan “Nasaf” — “Navbahor” uchrashuviga tashrif buyurdi. Tadbirkor tashrif doirasida “Nasaf” futbol klubi rasmiylari va viloyat rahbarlari bilan ko‘rishib, viloyatning bosh jamoasini yanada rivojlantirish uchun o‘z takliflari bilan o‘rtoqlashdi.

Kozim Aripov “Nasaf” futbol maktabi tarbiyalanuvchilarini Yevropaning Top 5 chempionatida to‘p tepish uchun bor imkoniyatini ishga solishni va tajriba almashish uchun “Ayntraxt” jamoasi bilan hamkorlik yo‘lga qo‘yilishini ta’kidlab o‘tdi.