"Chelsi" "Zalsburg" hujumchisi Benyamin Sheshko uchun "Manchester Yunayted" bilan raqobatlashmoqchi.

Insayder Fabrisio Romano xabariga ko‘ra, London klubi vakillari o‘tgan haftada 19 yoshli hujumchining agenti bilan uchrashuv o‘tkazishgan. "Yunayted" agent bilan bir necha bor aloqada bo‘lgan. Biroq, "Zalsburg" sloveniyalik futbolchini yana bir yil o‘zida saqlab qolmoqchi.

Manbaning xabariga ko‘ra, futbolchi kelajagi haqida yaqin kunlarda bir qarorga keladi.

Sheshko “Zalsburg” safida 39 ta uchrashuvda 12 ta gol urdi va 8 ta golli uzatmani amalga oshirdi. Futbolchining klub bilan shartnomasi 2026 yilning iyuniga qadar amal qiladi.

Transfermarkt portali futbolchining narxini 10 million yevroga baholamoqda.