"Челси" "Зальцбург" ҳужумчиси Беньямин Шешко учун "Манчестер Юнайтед" билан рақобатлашмоқчи.

Инсайдер Фабрицио Романо хабарига кўра, Лондон клуби вакиллари ўтган ҳафтада 19 ёшли ҳужумчининг агенти билан учрашув ўтказишган. "Юнайтед" агент билан бир неча бор алоқада бўлган. Бироқ, "Зальцбург" словениялик футболчини яна бир йил ўзида сақлаб қолмоқчи.

Манбанинг хабарига кўра, футболчи келажаги ҳақида яқин кунларда бир қарорга келади.

Шешко “Зальцбург” сафида 39 та учрашувда 12 та гол урди ва 8 та голли узатмани амалга оширди. Футболчининг клуб билан шартномаси 2026 йилнинг июнига қадар амал қилади.

Transfermarkt портали футболчининг нархини 10 миллион еврога баҳоламоқда.