Ukraina terma jamoasi va "Shaxtyor" yarim himoyachisi Mixaylo Mudrik hamon Leverkuzenning "Bayer" klubining transfer maqsadi hisoblanadi.
Kicker xabariga ko‘ra, nemis klubi tez orada 21 yoshli yarim himoyachi uchun yangi transfer taklifi bilan chiqadi. Avvalroq “dorichilar” Mudrikning transferi bo‘yicha “konchilar” bilan muzokara olib borishgan, biroq tomonlar kelisha olmagan.
Ukrainalik futbolchining transfer narxi 9 million yevroga baholanmoqda. Uning "Shaxtyor" bilan shartnomasi 2026 yilning yoziga qadar mo‘ljallangan.