"Nottingem Forest" o‘zining navbatdagi yozgi transferini amalga oshirishga tayyor. Bu safar "Atalanta" yarim himoyachisi Remo Froyler klub radariga tushdi. Jurnalist Fabrisio Romanoning ijtimoiy tarmoqlarda yozishicha, klublar transfer bo‘yicha hozirdanoq faol muzokaralar olib bormoqda.

Hozircha hech narsa kelishib olingani yo‘q, biroq ikkala tomon ham bitimni yopishga umid qilmoqda. "Nottingem Forest" uchun vaziyatni murakkablashtirgani shundaki, Remo yaqinda Bergamo klubi bilan shartnomasini uzaytirdi.

Bu yozda "Nottingem Forest" allaqachon 94,75 million yevro sarflagan. Bu pul evaziga Stiv Kuper jamoasi 9 nafar futbolchini sotib oldi. Yana ikkitasi erkin agent sifatida o‘rmonchilar safiga qo‘shildi.