Mavsumning ikkinchi qismiga tayyorgarlik ko‘rayotgan «Sho‘rtan» tarkibiga yangi futbolchilar kelib qo‘shilmoqda. Jumladan, bugun g‘uzorliklar 8 nafar o‘yinchi bilan shartnoma imzolashdi. Ular: Shohjahon Nasimov, Alfayzi Ne’matov, Jonibek Ko‘chimov, Abdumutal Tursunqulov, Sherzod G‘ulomjonov, Timur Nabiyev, Jafarjon Karimov va Ulug‘bek Xudayberdiyev.

Ma’lumot uchun, Shohjahon Nasimov 1996 yilda tug‘ilgan, ampluasi — darvozabon, bunga qadar "Buxoro" klubi safida maydonga tushgan.

Alfayzi Ne’matov esa 2000 yilda tug‘ilgan, ampluasi — hujumchi, bunga qadar "Bunyodkor" klubi safida maydonga tushgan.

Jonibek Ko‘chimov 1998  yilda tug‘ilgan, o‘ynaydigan ampluasi — yarim himoyachi, bunga qadar "Zomin" klubi safida maydonga tushgan.

Abdumutal Tursunqulov 1995 yilda tug‘ilgan, o‘ynaydigan ampluasi — yarim himoyachi, bunga qadar "Zomin" sharafini himoya qilgan.

Sherzod G‘ulomjonov 2001 yilda tug‘ilgan, o‘ynaydigan ampluasi — yarim himoyachi, bunga qadar "Xorazm" safida o‘ynagan.

Timur Nabiyev 2000 yilda tug‘ilgan, o‘ynaydigan ampluasi — himoyachi, bunga qadar "Qizilqum" safida maydonga tushgan.

Jafarjon Karimov 2001 yilda tug‘ilgan, o‘ynaydigan ampluasi — himoyachi, bunga qadar "Xorazm" faoliyat yuritgan.

Ulug‘bek Xudayberdiyev 1995  yilda tug‘ilgan, o‘ynaydigan ampluasi — himoyachi, bunga qadar "Yangiyer" sharafini himoya qilgan.

Shuningdek, «Sho‘rtan» tarkibida bir qator o‘zgarishlar yuz berdi. Klub yozgi transfer oynasida darvozabon - Akobir Qayumov, himoyachilar – Abduxoliq  Qurbonov, Nodirxon Ne’matxonov, Eldor Ergashov, Shohruh Boyqo‘ziyev, yarim himoyachilar - Javohir Shokirov, Nodirjon Nurmatov, Islom Baratov va hujumchi - Davron Isoqov bilan o‘zaro kelishuvga ko‘ra amaldagi shartnomalarni bekor qilindi va klub ushbu futbolchilar bilan do‘stona xayrlashdi.

"Sho‘rtan" matbuot xizmati.