Мавсумнинг иккинчи қисмига тайёргарлик кўраётган «Шўртан» таркибига янги футболчилар келиб қўшилмоқда. Жумладан, бугун ғузорликлар 8 нафар ўйинчи билан шартнома имзолашди. Улар: Шоҳжаҳон Насимов, Алфайзи Неъматов, Жонибек Кўчимов, Абдумутал Турсунқулов, Шерзод Ғуломжонов, Тимур Набиев, Жафаржон Каримов ва Улуғбек Худайбердиев.
Маълумот учун, Шоҳжаҳон Насимов 1996 йилда туғилган, амплуаси — дарвозабон, бунга қадар "Бухоро" клуби сафида майдонга тушган.
Алфайзи Неъматов эса 2000 йилда туғилган, амплуаси — ҳужумчи, бунга қадар "Бунёдкор" клуби сафида майдонга тушган.
Жонибек Кўчимов 1998 йилда туғилган, ўйнайдиган амплуаси — ярим ҳимоячи, бунга қадар "Зомин" клуби сафида майдонга тушган.
Абдумутал Турсунқулов 1995 йилда туғилган, ўйнайдиган амплуаси — ярим ҳимоячи, бунга қадар "Зомин" шарафини ҳимоя қилган.
Шерзод Ғуломжонов 2001 йилда туғилган, ўйнайдиган амплуаси — ярим ҳимоячи, бунга қадар "Хоразм" сафида ўйнаган.
Тимур Набиев 2000 йилда туғилган, ўйнайдиган амплуаси — ҳимоячи, бунга қадар "Қизилқум" сафида майдонга тушган.
Жафаржон Каримов 2001 йилда туғилган, ўйнайдиган амплуаси — ҳимоячи, бунга қадар "Хоразм" фаолият юритган.
Улуғбек Худайбердиев 1995 йилда туғилган, ўйнайдиган амплуаси — ҳимоячи, бунга қадар "Янгиер" шарафини ҳимоя қилган.
Шунингдек, «Шўртан» таркибида бир қатор ўзгаришлар юз берди. Клуб ёзги трансфер ойнасида дарвозабон - Акобир Қаюмов, ҳимоячилар – Абдухолиқ Қурбонов, Нодирхон Неъматхонов, Элдор Эргашов, Шоҳруҳ Бойқўзиев, ярим ҳимоячилар - Жавоҳир Шокиров, Нодиржон Нурматов, Ислом Баратов ва ҳужумчи - Даврон Исоқов билан ўзаро келишувга кўра амалдаги шартномаларни бекор қилинди ва клуб ушбу футболчилар билан дўстона хайрлашди.
"Шўртан" матбуот хизмати.
