Rimning “Lasio” klubi “Verona”ning serbiyalik yarim himoyachisi Ivan Ilichning transferini e’lon qilish arafasida. Transfer 13 million yevro + bonuslar sifatida 2 million yevroga baholangan, shartnoma 2027 yilgacha amal qiladi, deya xabar beradi italiyalik jurnalist Nikolo Skira ijtimoiy tarmoqdagi sahifasida.
Serbiyalik 21 yoshli yarim himoyachining transferi ispaniyalik futbolchi Luis Albertoning "burgutlar" lagerini tark etishiga bog‘liq. Ilichning kelishuvi 29 yoshli futbolchi "Lasio"ni tark etgandagina yakunlanadi, dedi insayder.
Yarim himoyachi Ivan Ilich o‘tgan mavsumda Italiya A seriyasida "Verona" safida 32 ta o‘yinda maydonga tushib, bitta gol va 5 ta golli uzatmaga mualliflik qilgan. Serbiyalik futbolchi Transfermarkt tomonidan 14 million yevroga baholangan.
