Римнинг “Лацио” клуби “Верона”нинг сербиялик ярим ҳимоячиси Иван Иличнинг трансферини эълон қилиш арафасида. Трансфер 13 миллион евро + бонуслар сифатида 2 миллион еврога баҳоланган, шартнома 2027 йилгача амал қилади, дея хабар беради италиялик журналист Николо Скира ижтимоий тармоқдаги саҳифасида.
Сербиялик 21 ёшли ярим ҳимоячининг трансфери испаниялик футболчи Луис Альбертонинг "бургутлар" лагерини тарк этишига боғлиқ. Иличнинг келишуви 29 ёшли футболчи "Лацио"ни тарк этгандагина якунланади, деди инсайдер.
Ярим ҳимоячи Иван Илич ўтган мавсумда Италия А сериясида "Верона" сафида 32 та ўйинда майдонга тушиб, битта гол ва 5 та голли узатмага муаллифлик қилган. Сербиялик футболчи Transfermarkt томонидан 14 миллион еврога баҳоланган.
