"PSJ" hujumchisi Mauro Ikardi va uning rafiqasi hamda agenti Vanda Nara ajrashishadi.

Ma’lum qilinishicha, ajrashishning tashabbuskori futbolchining rafiqasi.

AQSH telekanallarining birida audioyozuv paydo bo‘ldi, u yerda futbolchining rafiqasi shunday dedi: “Men Argentinaga Mauro bilan ajrashayotganim uchun keldim. Men endi chiday olmayman. Shuning uchun ajrashishni so‘radim».

“Match TV”ning qo‘shimcha qilishicha, er-xotin o‘rtasidagi munosabatlarida inqiroz allaqachon boshlangan. O‘tgan yili 35 yoshli ayol futbolchini xiyonatda ayblagan edi. Keyin vaziyat tinchlandi, futbolchining o‘zi uzr so‘radi va shu yozda ular Tanzaniyaga ta’tilga birga uchib ketishdi.

Biroq yaqinda internetda noma’lum erkak parijlik hujumchining xotinini badanidan o‘payotgani tasvirlangan video paydo bo‘ldi. Shuni ta’kidlash kerakki, Vandaning o‘zi ushbu videoni ijtimoiy tarmoqlarida e’lon qilgan. Ayolning opasi videoni olib tashlashni taklif qildi, lekin Vandaning o‘zi bu taklifni rad etdi.