"ПСЖ" ҳужумчиси Мауро Икарди ва унинг рафиқаси ҳамда агенти Ванда Нара ажрашишади.
Маълум қилинишича, ажрашишнинг ташаббускори футболчининг рафиқаси.
АҚШ телеканалларининг бирида аудиоёзув пайдо бўлди, у ерда футболчининг рафиқаси шундай деди: “Мен Аргентинага Мауро билан ажрашаётганим учун келдим. Мен энди чидай олмайман. Шунинг учун ажрашишни сўрадим».
“Матч ТВ”нинг қўшимча қилишича, эр-хотин ўртасидаги муносабатларида инқироз аллақачон бошланган. Ўтган йили 35 ёшли аёл футболчини хиёнатда айблаган эди. Кейин вазият тинчланди, футболчининг ўзи узр сўради ва шу ёзда улар Танзанияга таътилга бирга учиб кетишди.
Бироқ яқинда интернетда номаълум эркак парижлик ҳужумчининг хотинини баданидан ўпаётгани тасвирланган видео пайдо бўлди. Шуни таъкидлаш керакки, Ванданинг ўзи ушбу видеони ижтимоий тармоқларида эълон қилган. Аёлнинг опаси видеони олиб ташлашни таклиф қилди, лекин Ванданинг ўзи бу таклифни рад этди.
