Himoyachi Nikola Milenkovich ko‘plab klublarning qiziqishiga qaramay, "Fiorentina"da qolishga qaror qildi, deb xabar beradi La Gazette Dello Sport.

So‘nggi kunlarda "Yuventus" futbolchiga jiddiy qiziqish bildirdi, ammo yakunda Milenkovich Florensiyada qolishga qaror qildi. Narx ham muhim omil bo‘ldi - "Fiorentina" futbolchini 15 million yevrodan kamiga sotishni istamadi.

Florensiya klubi bilan yaqin kunlarda yangi shartnoma imzolanadi.

Oldinroq "Fiorentina" Milenkovichni o‘zida saqlab qolmoqchiligi va unga 2025 yilning iyun oyi oxirigacha, yiliga 3,5 million yevro oshirilgan maosh bilan yangi shartnoma taklif qilgani xabar qilingandi.

O‘tgan mavsumda himoyachi “Fiorentina” safida 38 o‘yinda maydonga tushib, 3 ta gol urishga muvaffaq bo‘lgandi. Transfermarkt.com portali futbolchini 20 million yevroga baholamoqda.