Frankfurtning “Ayntraxt” klubi bosh murabbiyi Oliver Glasner Bundesliganing 1-tur uchrashuvida “Bavariya”dan uchralgan mag‘lubiyat (1:6) haqida fikr bildirdi.

Jamoalar tanaffusga 0:5 hisobida yo‘l olishdi.

"Albatta, "Bavariya" bugun g‘alabaga loyiq edi. Biz o‘tkazib yuborilgan ikkinchi goldan keyin shunchaki “sindik”. Biz g‘alaba qozonish uchun oldinga o‘tishga harakat qildik, ammo ular bizni bo‘sh joy uchun jazolashda davom etishdi. Biz ularning tezligi va shiddatiga qarshi tura olmadik. Endi biz "Real" bilan o‘ynashimiz kerak, umid qilamanki, biz bu uchrashuvda yaxshiroq o‘ynaymiz", - dedi Glasner Kicker bilan suhbatda.

UYEFA Superkubogi uchun Frankfurtning “Ayntraxt” – “Real” uchrashuvi 10 avgust kuni bo‘lib o‘tadi.