"Barselona" bosh murabbiyi Xavi bugungi "Pumas"ga qarshi o‘yin oldidan o‘z fikrlari bilan o‘rtoqlashdi.

"Jamoa yaxshi holatda, mashg‘ulotlarda ajoyib muhit hukm surmoqda, Amerika safaridan keyin jamoa yaxshi mashg‘ulot o‘tkazmoqda, bu juda quvonarli holat.

Biz optimistik muhit yaratdik va buni Levandovski taqdimotida ko‘rdik. Bu yilgi maqsad - unvonlarni qo‘lga kiritish va sifatli futbol o‘ynash. Biz "Barselona" muxlislarini xursand qilishni xohlaymiz.

"Pumas" yuqori sifatga ega raqib, ular o‘yin tempini qo‘ldan boy bermaydigan jamoa, ularda Dani Alves va Salvio kabi futbolchilardan tashqari yaxshi o‘yinchilar va yaxshi murabbiy bor. Bu qiyin va ashaddiy raqib bo‘ladi.

Mavsum oldi o‘yinlar yakuniga yetib keldik, rotasiya muhim, shuningdek, Dani Alves bilan xayrlasha olsak yaxshi bo‘lardi, u so‘nggi oylarda bizga ko‘p yordam berdi, men prezident bilan gaplashdim va Dani ajoyib xayrlashuvga loyiq", - dedi Xavi.

Ma’lumot o‘rnida bugungi bahs Toshkent vaqti bilan 23:00 da start oladi.