"Chelsi" himoyachisi Markos Alonso "Barselona"ga o‘tish oldidan ingliz klubi vakillari bilan xayrlashdi. 31 yoshli futbolchi ispan klubi bilan 2+1 sxemasi bo‘yicha shartnoma imzolaydi va uning transfer narxi 10 million yevrodan kam bo‘ladi. Bu "Chelsi" bilan o‘zaro kelishuvning yaqin orada tugashi bilan bog‘liq. Bu haqda Mundo Deportivo xabar bermoqda.
Manbaga ko‘ra, kelishuv 7-8 avgust kunlari e’lon qilinishi mumkin, chunki klublar bu transferni kechiktirishni rejalashtirmayapti. Alonso Frank Kessie va Andreas Kristensen (erkin agentlar), shuningdek, Rafinya (Lids), Robert Levandovski (Bavariya) va Jyul Kunde (Sevilya)dan keyin "Barselona"ning ushbu mavsum oralig‘idagi oltinchi transferi bo‘ladi.
Alonso 12 yildan so‘ng Ispaniyaga qaytadi. 2010 yilda u "Real Madrid" akademiyasidan Angliyaning "Bolton" klubiga ko‘chib o‘tdi.