"Челси" ҳимоячиси Маркос Алонсо "Барселона"га ўтиш олдидан инглиз клуби вакиллари билан хайрлашди. 31 ёшли футболчи испан клуби билан 2+1 схемаси бўйича шартнома имзолайди ва унинг трансфер нархи 10 миллион евродан кам бўлади. Бу "Челси" билан ўзаро келишувнинг яқин орада тугаши билан боғлиқ. Бу ҳақда Mundo Deportivo хабар бермоқда.
Манбага кўра, келишув 7-8 август кунлари эълон қилиниши мумкин, чунки клублар бу трансферни кечиктиришни режалаштирмаяпти. Алонсо Франк Кессиэ ва Андреас Кристенсен (эркин агентлар), шунингдек, Рафинья (Лидс), Роберт Левандовски (Бавария) ва Жюль Кунде (Севилья)дан кейин "Барселона"нинг ушбу мавсум оралиғидаги олтинчи трансфери бўлади.
Алонсо 12 йилдан сўнг Испанияга қайтади. 2010 йилда у "Реал Мадрид" академиясидан Англиянинг "Болтон" клубига кўчиб ўтди.