"Arsenal" himoyachisi Pablo Mari faoliyatini Italiyada davom ettirishi mumkin, deya xabar beradi jurnalist Nikolo Skira.
Manbaga ko‘ra, 28 yoshli ispaniyalik futbolchiga "Verona" da’vogarlik qilmoqda. Avvalroq Italiya klubi futbolchi sotib olishga urinib ko‘rgan, biroq rad javobi berilgandi.
Mari 2022 yilning yanvarida "Arsenal"dan "Udineze"ga ijaraga berilgandi. Himoyachi o‘tgan mavsum A Seriyada 15 ta o‘yinda maydonga tushib, 2 ta gol urishga muvaffaq bo‘ldi. Mari "Arsenal" safida ham 3 ta o‘yin o‘tkazdi.