"Арсенал" ҳимоячиси Пабло Мари фаолиятини Италияда давом эттириши мумкин, дея хабар беради журналист Николо Скира.
Манбага кўра, 28 ёшли испаниялик футболчига "Верона" даъвогарлик қилмоқда. Аввалроқ Италия клуби футболчи сотиб олишга уриниб кўрган, бироқ рад жавоби берилганди.
Мари 2022 йилнинг январида "Арсенал"дан "Удинезе"га ижарага берилганди. Ҳимоячи ўтган мавсум А Серияда 15 та ўйинда майдонга тушиб, 2 та гол уришга муваффақ бўлди. Мари "Арсенал" сафида ҳам 3 та ўйин ўтказди.