"Manchester Yunayted" va Argentina terma jamoasining sobiq darvozaboni Serxio Romero faoliyatini vatanida davom ettiradi.
TyC Sport xabariga ko‘ra, 35 yoshli argentinalik futbolchi "Boka Xuniors"ga o‘tishdan oldin tibbiy ko‘rikdan o‘tmoqda. U klub bilan 2024 yilning dekabrigacha shartnoma imzolaydi.
Romeroning so‘nggi klubi "Venesiya" bo‘lib, u 2021 yilning 12 oktyabridan 2022 yilning 1 iyuligacha jamoa sharafini himoya qilgan. U o‘tgan mavsum A Seriyaning 16 o‘yinida 33 ta gol o‘tkazib yubordi.