"Манчестер Юнайтед" ва Аргентина терма жамоасининг собиқ дарвозабони Серхио Ромеро фаолиятини ватанида давом эттиради.
TyC Sport хабарига кўра, 35 ёшли аргентиналик футболчи "Бока Хуниорс"га ўтишдан олдин тиббий кўрикдан ўтмоқда. У клуб билан 2024 йилнинг декабригача шартнома имзолайди.
Ромеронинг сўнгги клуби "Венеция" бўлиб, у 2021 йилнинг 12 октябридан 2022 йилнинг 1 июлигача жамоа шарафини ҳимоя қилган. У ўтган мавсум А Сериянинг 16 ўйинида 33 та гол ўтказиб юборди.