“Chelsi” hujumchisi Timo Verner “Leypsig”ga qaytdi, deya xabar beradi nemis klubi matbuot xizmati.

Futbolchi bilan 2026 yilgacha mo‘ljallangan shartnoma imzolangan. Avvalroq, bonuslarni hisobga olmaganda, "Chelsi" 19,5 million yevro olishi xabar qilingandi.

2020 yilda "ko‘klar" 26 yoshli hujumchini "Leypsig"dan 53 million funt sterlingga sotib olgandi.

Verner 2016 yildan 2020 yilgacha “Leypsig”da o‘ynagan. Nemis futbolchisi klub uchun 156 uchrashuvda 90 ta gol urdi va 40 ta golli uzatmani amalga oshirgan.

Transfermarkt.com portali futbolchining narxini 35 million yevroga baholamoqda.