Milanning “Inter” klubi hujumchisi Andrea Pinamonti faoliyatini Italiyaning boshqa klubida davom ettiradi. Insayder Nikolo Skiraning so‘zlariga ko‘ra, "Sassuolo" futbolchi bilan shartnoma imzolaydi.

Hujumchining transferi “qora-yashillar” uchun 20 million yevroga tushadi. Futbolchi bilan 2026 yilning o‘rtalarigacha mo‘ljallangan uzoq muddatli shartnoma tuziladi. "Sassuolo"da Pinamonti yiliga 2,4 million yevro ishlab oladi.

Italiya chempionatining so‘nggi mavsumida hujumchi 36 ta uchrashuvda qatnashib, 13 ta gol (to‘rttasi penaltidan) kiritdi va ikkita golli uzatmaga mualliflik qilgan.