Joriy yilning 11 aprel kuni FIFA Nizolarni hal etish palatasi “Mash’al” futbol klubi va uning nigeriyalik sobiq futbolchisi Ifeayini Ifeayini o‘rtasidagi nizoli vaziyat yuzasidan qaror chiqargan edi.
Unga ko‘ra, “Mash’al” futbol klubi futbolchi oldidagi zimmasiga belgilangan qarzdorlik va jarima to‘lovlarini 45 kun mobaynida to‘lash majburiyati yuklatilgan. Agar mazkur majburiyatlar klub tomonidan o‘z vaqtida bajarilishi ta’minlanmasa, klubga nisbatan milliy va xalqaro miqyosda yangi futbolchilarni ro‘yxatdan o‘tkazish bo‘yicha taqiq qo‘yilishi haqida ogohlantirish berilgan.
Biroq klub bu borada xabardor etilgan bo‘lsa-da, ushbu nizoli vaziyatni hamon hal etmagan. Shu munosabat bilan, FIFA bugundan e’tiboran “Mash’al” futbol klubiga nisbatan transfer taqiqi belgiladi.
