Milanning “Inter” klubi hujumchisi Romelu Lukaku Londonning “Chelsi” klubidagi omadsizligi haqida fikr bildirdi.

Eslatib o‘tamiz, o‘tgan yozda "Stemford Brij"ga o‘tganidan so‘ng belgiyalik futbolchi APLda 8 ta gol urgan va shundan so‘ng "Inter"ga ijara asosida qaytgan edi.

"Men "Chelsi"ga qaytib, klubning qahramoniga aylanaman deb o‘ylagandim, ammo hammasi boshqacha bo‘lib chiqdi. O‘tgan mavsum og‘ir kechdi, ammo mart oyida "Inter"ga qaytish imkoniyati paydo bo‘ldi. O‘shanda men keyingi qadamimga shubha qilmadim”, - dedi Lukaku DAZN bilan suhbatda.

Eslatib o‘tamiz, "Inter" Lukakuni ijaraga olgani uchun 8 million yevro to‘lagan edi. Shuningdek, klub belgiyalik futbolchining keyingi mavsumdagi maoshini to‘liq qoplaydi.