Bugun Madridning “Real” va Frankfurtning “Ayntraxt” klublari o‘rtasida UEFA superkubogi sovrini uchun bahs bo‘lib o‘tadi. Uchrashuv doir muhim ma’lumotlar bilan tanishtirib o‘tamiz.
Yarim avtomatik ofsayd texnologiyasi nima?
Yarim avtomatik ofsayd texnologiyasi UEFA Superkubogi uchun Yevropa klublari musobaqalaridagi premyerasi bo‘ladi. Yangi tizim har bir futbolchining tanasidagi 29 xil nuqtani kuzatishga qodir ixtisoslashgan kameralar tufayli ishlaydi.
“Ushbu innovasion tizim VAR hakamlariga o‘yindan tashqari vaziyatlarni tezroq va aniqroq aniqlash imkonini beradi, o‘yin oqimini va qaror qabul qilishning izchilligini oshiradi”, — dedi UYEFA bosh hakami Roberto Rosetti.
Stadion qanday ko‘rinishga ega?
Nomidan ko‘rinib turibdiki, stadion 1952 yilda bo‘lib o‘tgan Olimpiya o‘yinlariga mezbonlik qilish uchun qurilgan va 2016 va 2020 yillarda keng qamrovli ta’mirdan o‘tgan. Arena, shuningdek, Finlyandiya milliy jamoasining uy maydoni hisoblanadi.
UEFA superkubogi o‘zi nima?
Gollandiyalik jurnalist Anton Vittkamp tomonidan asos solingan va yillik UEFA Chempionlar Ligasi va UEFA Yevropa Ligasining amaldagi chempionlari ishtirok etib, uzil kesil Yevropaning eng yaxshi klubini aniqlash uchun mo‘ljallangan uchrashuv.
Bu yilgi ishtirokchilarda UEFA Superkubogi bormi?
Bu Frankfurt uchun UEFA Superkubogi uchun birinchi o‘yin bo‘ladi;
Bu Madridning “Real” klubi uchun sakkizinchi Superkubok bahslaridagi ishtirok bo‘ladi va ular har safar Yevropa chempioni sifatida saralanishgan.
"Real Madrid" nechta UEFA superkubogini qo‘lga kiritgan?
Oldingi 7 ta o‘yinda ular 4 ta g‘alaba va 3 ta mag‘lubiyatga uchragan:
1998: Mag‘lubiyat 0-1 - "Chelsi" (Monako)
2000: Mag‘lubiyat 1-2 (eks.taym, oltin gol), "Galatasaroy" (Monako)
2002: G‘alaba 3-1 - Feenoord (Monako)
2014: G‘alaba 2-0 - Sevilya (Kardiff)
2016: G‘alaba 3-2 (eks.taym) - Sevilya (Tronxaym)
2017: G‘alaba 2-1 - Manchester Yunayted (Skope)
2018: Mag‘lubiyat 2-4 (eks.taym), "Atletiko"(Tallin)
Odatda Yevropa chempionlari Superkubokni yutadimi?
UEFA Chempionlar Ligasi g‘olibi "Chelsi" 2021 yilda kubokni qo‘lga kiritdi, ammo bu qoida har doim ham qo‘llanilmaydi. Yevropa kubogi/UEFA Chempionlar ligasi g‘oliblari 46 ta o‘yindan 26 tasida g‘alaba qozongan.
Sanjar Mahmudxonov.
