"Barselona" barcha yangi kelganlarning muvaffaqiyatli ro‘yxatga olinishiga ishonadi.

Kataloniyaliklar La Liganing shanba kuni bo‘lib o‘tadigan "Rayo Valyekano"ga qarshi o‘yiniga futbolchilarni ro‘yxatdan o‘tkazishlari mumkinligiga ishonchi komil, deb xabar beradi Diario Sport.

"Blaugrana" allaqachon ligaga kerakli hujjatlarni yuborgan va chempionat rahbariyati bilan yaxshi aloqada. "Barsa" rahbariyati Xaviga barcha yangi futbolchilar birinchi davrada maydonga tushishini ma’lum qilgan. Klub ham o‘z futbolchilarini hammasi joyida bo‘lishiga ishontirdi.

Juma kuni barcha masalalar hal bo‘lishi, yangi kelganlar esa shanba kuni rasman ro‘yxatga olinishi kutilmoqda.

Yozgi transfer oynasida "Barselona" Robert Levandovski, Frank Kessie, Andreas Kristensen, Rafinya va Jyul Kundeni o‘z safiga qo‘shib oldi. Qolaversa, Usmon Dembele va Serxi Roberto rasman yangi kelganlar sanaladi, chunki ular oldingi shartnomalar muddati tugaganidan keyin yangi shartnomalar imzolagan.