Yevropa Superkubogi finalida “Real” Germaniyaning “Ayntraxt” klubi darvozasiga javobsiz ikkita gol urdi. Ulardan birini fransiyalik Karim Benzema kiritdi va "Real" safida gollar soni bo‘yicha Raul Gonsalesni ortda qoldirdi hamda ikkinchi o‘ringa chiqdi. "Real"ning sobiq futbolchisi Stiv Makmanaman Benzemaning sa’y-harakatlari haqida fikr bildirdi.
"U aql bovar qilmaydigan hujumchi. Undan yuqorida faqat Krishtianu Ronaldu va bu ko‘rsatkich Karim haqida juda ko‘p narsani aytadi! Benzema bu natijani 610 ta o‘yinda qayd etgan, u olqishlarga loyiq" - dedi Makmanaman BBC Sport bilan suhbatda.
Benzema 2009 yildan beri “Real” safida to‘p suradi, avval “Lion”da o‘ynagan.
