Европа Суперкубоги финалида “Реал” Германиянинг “Айнтрахт” клуби дарвозасига жавобсиз иккита гол урди. Улардан бирини франциялик Карим Бензема киритди ва "Реал" сафида голлар сони бўйича Рауль Гонсалесни ортда қолдирди ҳамда иккинчи ўринга чиқди. "Реал"нинг собиқ футболчиси Стив Макманаман Бенземанинг саъй-ҳаракатлари ҳақида фикр билдирди.
"У ақл бовар қилмайдиган ҳужумчи. Ундан юқорида фақат Криштиану Роналду ва бу кўрсаткич Карим ҳақида жуда кўп нарсани айтади! Бензема бу натижани 610 та ўйинда қайд этган, у олқишларга лойиқ" - деди Макманаман BBC Sport билан суҳбатда.
Бензема 2009 йилдан бери “Реал” сафида тўп суради, аввал “Лион”да ўйнаган.
