Belgiya terma jamoasi bosh murabbiyi Roberto Martines yaqinda "Milan"ga ko‘chib o‘tgan Sharl de Ketelarening iqtidorini yuqori baholadi.

Eslatib o‘tamiz, belgiyalik futbolchining transferi "rossonerlar"ga taxminan 30 million yevroga tushgan.

"Uning o‘yini ajoyib. Uning texnik qobiliyatini, plastikasini va o‘yinidagi nafisligini kuzatsam, indamay qolaman. Sharl ajoyib to‘p uzatish va zarba berish qobiliyatiga ega. Yevropada bunday o‘yinchilar juda kam", - dedi Martines Calciomercato bilan suhbatda.

Eslatib o‘tamiz, de Ketelarega Angliyaning "Lids" jamoasi ham qiziqish bildirgandi. Biroq belgiyalik futbolchi milanliklar foydasiga tanlov qilib, "tovuslar" safiga o‘tishdan bosh tortdi.