Бельгия терма жамоаси бош мураббийи Роберто Мартинес яқинда "Милан"га кўчиб ўтган Шарль де Кетеларенинг иқтидорини юқори баҳолади.
Эслатиб ўтамиз, бельгиялик футболчининг трансфери "россонерлар"га тахминан 30 миллион еврога тушган.
"Унинг ўйини ажойиб. Унинг техник қобилиятини, пластикасини ва ўйинидаги нафислигини кузатсам, индамай қоламан. Шарль ажойиб тўп узатиш ва зарба бериш қобилиятига эга. Европада бундай ўйинчилар жуда кам", - деди Мартинес Calciomercato билан суҳбатда.
Эслатиб ўтамиз, де Кетеларега Англиянинг "Лидс" жамоаси ҳам қизиқиш билдирганди. Бироқ бельгиялик футболчи миланликлар фойдасига танлов қилиб, "товуслар" сафига ўтишдан бош тортди.
