"PSJ" bosh murabbiyi Kristof Galtye klubning transfer oynasidagi ishlari haqida gapirdi.
“Biz yangi hujumchi bilan shartnoma imzolaymiz. Shuningdek Mauro Ikardining vaziyatiga yechim topmoqchimiz. Bundan tashqari Arno Kalimuendo “Renn”ga ketadi. Biz Keylor Navasni hurmat qilamiz, u ikkinchi darvozabon bo‘lishni xohlamaydi - bu yaxshi. Menga hozir unga boshqa klublardan qiziqish borligini aytishdi ”, - deya Galtyening so‘zlaridan iqtibos keltiradi jurnalist Fabrisio Romano.
Oldinroq 29 yoshli argentinalik futbolchi fransuz klubini tark etishi haqida xabar berilgandi. Ikardining "PSJ" bilan shartnomasi 2024 yilning yoziga qadar mo‘ljallangan. U o‘tgan mavsumda 24 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
