“Rayo Valyekano” ustozi Andoni Iraola “Barselona” bilan yangi mavsumdagi ilk uchrashuvi arafasida klubning hujumchi Diyego Kosta bilan kelishuvini tasdiqlamadi.
“Ko‘plab muzokaralar ochiq. Bizda mustahkamlashimiz kerak bo‘lgan bir nechta pozisiyalar bor va ularning har biri uchun bizni qiziqtirgan besh-olti kishidan iborat ro‘yxat mavjud. Kimdir shartnoma imzolamaguncha, men siz bilan futbolchilarim haqida gaplasha olmayman. Diyego Kosta? Bu haqda ko‘p o‘ylamasligingiz kerak. Takror aytaman, bizda har bir pozisiyaga bir nechta nomzod bor. Boshqa aytadigan gapim yo‘q", - deydi Iraola.
Eslatib o‘tamiz, 11 avgust kuni OAVlarda klubsiz qolgan 33 yoshli Diyego Kosta yaqin soatlarda "Rayo Valyekano" bilan shartnoma imzolashi haqida xabarlar tarqalgan edi.
