“Райо Вальекано” устози Андони Ираола “Барселона” билан янги мавсумдаги илк учрашуви арафасида клубнинг ҳужумчи Диего Коста билан келишувини тасдиқламади.
“Кўплаб музокаралар очиқ. Бизда мустаҳкамлашимиз керак бўлган бир нечта позициялар бор ва уларнинг ҳар бири учун бизни қизиқтирган беш-олти кишидан иборат рўйхат мавжуд. Кимдир шартнома имзоламагунча, мен сиз билан футболчиларим ҳақида гаплаша олмайман. Диего Коста? Бу ҳақда кўп ўйламаслигингиз керак. Такрор айтаман, бизда ҳар бир позицияга бир нечта номзод бор. Бошқа айтадиган гапим йўқ", - дейди Ираола.
Эслатиб ўтамиз, 11 август куни ОАВларда клубсиз қолган 33 ёшли Диего Коста яқин соатларда "Райо Вальекано" билан шартнома имзолаши ҳақида хабарлар тарқалган эди.
