Kiyevning "Dinamo" klubi yarim himoyachisi Viktor Sigankov "Atalanta" va "Vilyarreal" takliflarini rad etdi, deb yozdi jurnalist Igor Burbas.
Manbaga ko‘ra, futbolchini "Vilyarreal"ga o‘tish varianti qiziqtirmadi, shuningdek "Atalanta"da uni Jan-Pyero Gasperini qo‘l ostidagi qattiq mashg‘ulotlar qo‘rqitdi. Ayni paytda yarim himoyachi Yevropada klub izlashda davom etmoqda.
O‘tgan mavsumda 24 yoshli Sigankov "Dinamo" safida barcha musobaqalarda 25ta o‘yinda maydonga tushib, 11ta gol urgan va 4ta golga assistentlik qilgan. Uning klub bilan shartnomasi 2023 yilning yoziga qadar mo‘ljallangan.