Киевнинг "Динамо" клуби ярим ҳимоячиси Виктор Циганков "Аталанта" ва "Вильярреал" таклифларини рад этди, деб ёзди журналист Игор Бурбас.

Манбага кўра, футболчини "Вильярреал"га ўтиш варианти қизиқтирмади, шунингдек "Аталанта"да уни Жан-Пьеро Гасперини қўл остидаги қаттиқ машғулотлар қўрқитди. Айни пайтда ярим ҳимоячи Европада клуб излашда давом этмоқда.

Ўтган мавсумда 24 ёшли Циганков "Динамо" сафида барча мусобақаларда 25та ўйинда майдонга тушиб, 11та гол урган ва 4та голга ассистентлик қилган. Унинг клуб билан шартномаси 2023 йилнинг ёзига қадар мўлжалланган.