"PSJ" rahbariyati o‘zi ishonmaydigan futbolchilarni o‘rinbosarlar tarkibiga yuborishi mumkin, deb xabar beradi Sport.fr, L'Equipe nashriga tayanib.

Manbaga ko‘ra, fransuz klubi Ander Errera, Rafinya Alkantara, Yulian Draksler, Leven Kurzava, Mauro Ikardi, Tilo Kerer, Idrissa Geye va Erik Ebimbeni o‘z rejalariga kiritmagan.

Qayd etilishicha, agar ushbu futbolchilardan biri klubni tark etishdan bosh tortsa, "PSJ" ularni beshinchi divizionda o‘ynaydigan o‘rinbosarlar jamoasiga yuborishi mumkin. U yerda havaskor va yarim professional jamoalar, shuningdek, professional klublarning ikkinchi jamoalari o‘ynaydi.

Avvalroq, "PSJ" bosh murabbiyi Kristof Galtye Ikardini o‘z rejalariga kiritmaganini aytgandi. Uning fikricha, hujumchi faoliyatini qayta boshlash kerak.

Fransiya chempionatining 1-turida “PSJ” “Klermon”ni 5:0 hisobida mag‘lub etdi. 13 avgust kuni jamoa "MonpelYE" bilan o‘ynaydi.