"PSJ" klubi yarim himoyachi Ander Errera bilan xayrlashmoqchi. Fransuz klubi futbolchi bilan shartnomani bekor qilishga tayyor, deya xabar beradi jurnalist Adriyen Greniyer.
Bu holatda 32 yoshli ispaniyalik 6 million yevro miqdorida tovon puli olishi mumkin.
Avvalroq yarim himoyachi Ispaniyaning "Atletik Bilbao" jamoasiga qaytishi mumkinligi haqida xabarlar tarqalgan edi.
Errera 2011 yildan 2014 yilgacha basklar safida o‘ynagan, shundan so‘ng u 36 million yevroga "Manchester Yunayted"ga sotilgan.
O‘tgan mavsumda Errera "PSJ" safida barcha turnirlar doirasida 28 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
