"ПСЖ" клуби ярим ҳимоячи Андер Эррера билан хайрлашмоқчи. Француз клуби футболчи билан шартномани бекор қилишга тайёр, дея хабар беради журналист Адриен Грениер.
Бу ҳолатда 32 ёшли испаниялик 6 миллион евро миқдорида товон пули олиши мумкин.
Аввалроқ ярим ҳимоячи Испаниянинг "Атлетик Бильбао" жамоасига қайтиши мумкинлиги ҳақида хабарлар тарқалган эди.
Эррера 2011 йилдан 2014 йилгача басклар сафида ўйнаган, шундан сўнг у 36 миллион еврога "Манчестер Юнайтед"га сотилган.
Ўтган мавсумда Эррера "ПСЖ" сафида барча турнирлар доирасида 28 та ўйинда майдонга тушиб, 4 та гол урди ва 2 та голли узатмани амалга оширди.
