“Lester” klubi yarim himoyachisi Bubakari Sumare faoliyatini Fransiya chempionatida davom ettirishi mumkin. Bu haqda “tulkilar” ustozi Brendan Rojers ma’lum qildi.
"Uni qiziqtiradigan variant bor. Agar u ketsa, biz uning o‘rniga boshqa o‘yinchi olishga majbur bo‘lamiz", - dedi Rojers.
Manbaga ko‘ra, "Monako" 23 yoshli fransiyalik futbolchining xizmatlariga qiziqish bildirmoqda.
Sumarening transfer narxi 25 million yevroni tashkil etadi va uning "Lester" bilan shartnomasi 2026 yilning yoziga qadar amal qiladi.
