"Barselona" yarim himoyachisi Serxio Buskets kelasi yozda "ko‘k-anorranglilar" safini erkin agent sifatida tark etishni rejalashtirmoqda, deya xabar bermoqda jurnalist Matteo Moretto ijtimoiy tarmoqlarda.
Insayder xabariga ko‘ra, rahbariyat 34 yoshli yarim himoyachi bilan yangi shartnoma tuzmoqchi bo‘lgan, biroq futbolchi bu taklifni rad etgan. Buskets kelasi yozda MLS klublaridan biriga o‘tish niyatida.
Serxio "Barselona" akademiyasi tarbiyalanuvchisi sanaladi. "Ko‘k-anorranglilar" tarkibida u 676 ta uchrashuv o‘tkazib, 18 ta gol urgan va 40 ta golli uzatmani amalga oshirgan. Kataloniyaliklar bilan birgalikda u 32 ta sovrinni qo‘lga kiritdi.
