“Andijon” – “Turon” (1:0) o‘rtasidagi o‘yindan keyingi tashkil etilgan matbuot anjumanining ikkinchi qismida jamoamiz bosh murabbiy Viktor Kumikov savollarga javob qaytardi.

— Albatta, bu o‘yinni yutishimiz kerak edi. Ushbu vazifani bajardik. Biroz xatolar ham bo‘ldi, buni rad etib bo‘lmaydi. Birinchi bo‘limda zo‘r o‘yin ko‘rsatdik. Bahs oxirida biroz bo‘shashdik. Nimaga bunday bo‘ldi, bilmayman. O‘yinni tahlil qilib o‘rganamiz. Tajribali himoyachilarimiz qoniqarsiz o‘yin ko‘rsatishdi.

— O‘yindan qoniqdingizmi?
— Ha, natijadan qoniqdim, o‘yindan emas. Yana nima deyishim mumkin? Hozir himoyachilar bilan biroz gaplashib oldim. Vaziyatlar sodir etildi, ozgina nimadir yetishmadi. Hujumda rejadagidek harakat qildik. Golni urdik, ammo o‘zimiz xohlaganimiz kabi himoyada unchalik o‘ynay olmadik.

— Oxirgi daqiqalarda jamoada nimadir yuz berdimi? Chunki sustkashlik bo‘ldi.
- Bilmadim, nima bo‘lganini. Markaziy himoyamizda qoniqarsiz harakat kuzatildi. Ular tomonidan 3 ta xato yuz berdi. O‘yinni tahlil qilib, nima bo‘lganini o‘rganamiz. Amalda qo‘rqinchi hech narsa bo‘lgani yo‘q, faqat uzatmalarni ko‘yib yuborishdi.

— Raqib oxirgi daqiqalarda ko‘p o‘yinchi almashtirdi. Bunga munosabatingiz qanday?
— Bilasizmi, raqib jamoa 1:0 hisobida yutqazayotgandi va oxirgi daqiqalarda ularda yo‘qotadigan narsasi yo‘q edi. O‘yinchi almashtirish kerak va ular shu yo‘lni tanladi. Ikki markaziy himoyachilar ham hujumga qo‘shilishdi. Bunday vaziyatda yutqazgandan ko‘ra shunday o‘ynab yutish kerak. Yutishimiz kerak edi va shunga harakat qildik.

— Keyingi o‘yin ham Kubok doirasida “Turon” bilan o‘tadi. Yana shunday taktika qo‘llaysizmi?
— Qanday taktika qo‘llardik?! Yutadigan taktika qo‘llaymiz. Ko‘ramiz, o‘yinga 10 kuncha vaqt bor. Hozir biz yutdik, birinchi o‘ringa chiqdik. Endi biroz dam olamiz, keyin ko‘ramiz nima bo‘lishini.

“Andijon” matbuot xizmati.