"Barselona" hujumchisi Memfis Depay "Yuventus"ga o‘tishga yaqin turibdi. Turin superklubi kelishuvni tezroq yakunlamoqchi, deb yozadi Fabrisio Romano.
Manba bergan xabarga ko‘ra, yaqin vaqt ichida "Yuve" advokatlari futbolchining taklifini tekshirib, o‘z fikrini bildiradi. Shundan so‘ng Depayning agentlari shartnomani bekor qilish uchun "Barsa" bilan bog‘lanadi.
Memfis o‘tgan mavsumda "Barselona" safida barcha turnirlarda 37 ta o‘yinda maydonga tushib, 13 ta gol urdi va 2 ta golga assistentlik qildi.
Depayning kataloniyaliklar bilan amaldagi shartnomasi 2023 yilning 30 iyuniga qadar tuzilgan.
