"Барселона" ҳужумчиси Мемфис Депай "Ювентус"га ўтишга яқин турибди. Турин суперклуби келишувни тезроқ якунламоқчи, деб ёзади Фабрицио Романо.
Манба берган хабарга кўра, яқин вақт ичида "Юве" адвокатлари футболчининг таклифини текшириб, ўз фикрини билдиради. Шундан сўнг Депайнинг агентлари шартномани бекор қилиш учун "Барса" билан боғланади.
Мемфис ўтган мавсумда "Барселона" сафида барча турнирларда 37 та ўйинда майдонга тушиб, 13 та гол урди ва 2 та голга ассистентлик қилди.
Депайнинг каталонияликлар билан амалдаги шартномаси 2023 йилнинг 30 июнига қадар тузилган.
