"PSJ" shanba kuni Liga 1 doirasida "MonpelYE" jamoasiga qarshi maydonga chiqdi. Birinchi bo‘limda Kilian Mbappe belgilangan penaltini aniq amalga oshira olmadi. Ikkinchi bo‘limda parijliklar yana penalti ishlashdi va bu safar Neymar "nuqta"da adashmadi.

Shunga qaramasdan, Mbappe "PSJ"da doimiy penalti tepadigan futbolchi bo‘lib qolaveradi. Bu esa Neymarga aniq yoqmadi, chunki braziliyalik futbolchi bir vaqtning o‘zida ijtimoiy tarmoqlarda ushbu mavzu bo‘yicha bir nechta postlarga "layk" bosdi.

"Neymar bugun yana bir bor penaltini aniq amalga oshirdi. Mbappe esa noaniq bajardi. O‘yindan so‘ng o‘tkazilgan matbuot anjumanida "PSJ" bosh murabbiy Mbappe jamoaning doimiy penalti tepadigan futbolchisi bo‘lishini aytdi. Absurd!" - deb yoziladi Neymarga yoqqan postlardan birida.

Eslatib o‘tamiz, "PSJ" "MonpelYE"ni 5:2 hisobida mag‘lub etdi.