"ПСЖ" шанба куни Лига 1 доирасида "Монпелье" жамоасига қарши майдонга чиқди. Биринчи бўлимда Килиан Мбаппе белгиланган пенальтини аниқ амалга ошира олмади. Иккинчи бўлимда парижликлар яна пенальти ишлашди ва бу сафар Неймар "нуқта"да адашмади.
Шунга қарамасдан, Мбаппе "ПСЖ"да доимий пенальти тепадиган футболчи бўлиб қолаверади. Бу эса Неймарга аниқ ёқмади, чунки бразилиялик футболчи бир вақтнинг ўзида ижтимоий тармоқларда ушбу мавзу бўйича бир нечта постларга "лайк" босди.
"Неймар бугун яна бир бор пенальтини аниқ амалга оширди. Мбаппе эса ноаниқ бажарди. Ўйиндан сўнг ўтказилган матбуот анжуманида "ПСЖ" бош мураббий Мбаппе жамоанинг доимий пенальти тепадиган футболчиси бўлишини айтди. Абсурд!" - деб ёзилади Неймарга ёққан постлардан бирида.
Эслатиб ўтамиз, "ПСЖ" "Монпелье"ни 5:2 ҳисобида мағлуб этди.
