Madridning “Real” klubi futbolchisi Lukas Vaskes La Liganing 1-turi doirasidagi “Almeriya” jamoasiga qarshi o‘yin haqidagi fikrlari bilan o‘rtoqlashdi. “Qaymoqranglilar” 2:1 hisobida irodali g‘alabaga erishdi.
“Bu oson start bo‘lmadi, lekin yakunda ijobiy natijaga erisha oldik. Maydonni ijobiy kayfiyat bilan tark etdik, hamma xursand. Men o‘z golim bilan jamoaga yordam berganimdan juda xursandman, lekin eng muhimi g‘alaba”, - dedi 31 yoshli futbolchi klub matbuot xizmatiga.
Ispaniya chempionatining 2-turida Karlo Anchelotti shogirdlari safarda “Selta” bilan uchrashadi. Bellashuv 20 avgust kuni bo‘lib o‘tadi.