Мадриднинг “Реал” клуби футболчиси Лукас Васкес Ла Лиганинг 1-тури доирасидаги “Альмерия” жамоасига қарши ўйин ҳақидаги фикрлари билан ўртоқлашди. “Қаймоқранглилар” 2:1 ҳисобида иродали ғалабага эришди.

“Бу осон старт бўлмади, лекин якунда ижобий натижага эриша олдик. Майдонни ижобий кайфият билан тарк этдик, ҳамма хурсанд. Мен ўз голим билан жамоага ёрдам берганимдан жуда хурсандман, лекин энг муҳими ғалаба”, - деди 31 ёшли футболчи клуб матбуот хизматига.

Испания чемпионатининг 2-турида Карло Анчелотти шогирдлари сафарда “Сельта” билан учрашади. Беллашув 20 август куни бўлиб ўтади.